AKTO 5 - фестивал за современи уметности / 11-15.08. / Битола, MK

AKTO5 ФЕСТИВАЛ
Битола, MK
11-15 август

Акто е регионален фестивал за современа уметност кој вклучува визуелни и изведувачки уметности, музика и теорија на култура. Целта на Акто фестивалот е отворање на културните рамки на едно современо општество преку нивно «ре-поставување» и дефинирање во нов контекст. Акто фестивалот својата програма ја базира врз основа на два концепти.

Првиот концепт е просторот.
Просторите на Акто фестивалот се трансформираат во однос на нивните претходни значења. Основната идеја на фестивалот е излегување на уметничките форми од стандардните за нив простори (галерии, музеи, театри) и нивно поставување во нови (физички) простори. Преместувањето на уметничките форми во нови простори доведува до трансформација на самото уметничко дело (по параметарот простор).

Вториот концепт е темата на фестивалот.
Темата на АКТО_3 фестивалот е свадба. Уметничките дела на Акто фестивалот се претставуваат во 2 категории и тоа: уметнички дела кои како основна појдовна точка ја имаат свадбата и дела кои претставуваат трансформација на веќе готови уметнички форми.
Трансформацијата се случува по два параметри, новиот простор и темата на фестивалот. «Новото» дело се трансформира во однос на неговата основна форма. Трансформираното дело добива нова статика и динамика.